Ƀơi mông bưp, ƀing nai pơtô, čơđai sang hră mơ̆ng Sang hră Đại học Đà Lạt hơmâo pơgôp hiăp lu tơlơi bơdjơ̆ nao pơtô hrăm, prăk blan, prăk apah, prăk djru kơ nai pơtô, pơsir bruă mă brơi čơđai sang hră tơdơi kơ hrăm giong, hră pơ-ar mă yua prăk kơsem min boh thâo...ăt bưp lu tơlơi gun, aka ƀu thâo pơsir. Amăng anun, yôm hloh lĕ bruă čơđai sang hră, čơđai kơsem min boh thâo lăng yôm kơ tơlơi hrăm boh thâo ia rơgơi ră anai glăk tơdu biă mă.

Pơ ala kơ Grup khua pơ ala mơnuih ƀôn sang dêh čar tơring čar Lâm Đồng, ơi Phan Đình Trạc djă pioh hơdôm tơlơi rơkâo đĭ mơ̆ng mơnuih ƀôn sang, laih dong brơi thâo amra lăi pơthâo hăng Khua mua pơ ala mơnuih ƀôn sang dêh čar amăng tal jơnum lok 6 pơ anăp. Ƀrô tal anai, grup khua pơ ala mơnuih ƀôn sang dêh čar tơring čar Lâm Đồng hơmâo brơi 20 anung prăk, rim anung hơmâo 10 klăk kơ čơđai sang hră gưl prong Đà Lạt sang anŏ tơnap samơ̆ gir hrăm rơgơi.