Pơ ala kơ khua mua ping gah, kơnuk kơna, ơi Tô Lâm, Khua git gai ping gah, khua mir sir dêh čar ta hơmâo jao hră pơsit mơ̆ng Khua pơ ala mơnuih ƀôn sang dêh čar, akŏ pơdong ƀôn prong Đồng Nai hăng jao Miđai Mă bruă mrô Sa kơ anom bruă ping gah, gong gai kơnuk kơna hăng mơnuih ƀôn sang ƀôn prong Đồng Nai.

Pơhiăp ƀơi mông jơnum, Khua git gai ping gah, khua mir sir lăi pơtong, amăng rơnuk blah ngă đưm, Đồng Nai lăng kah hăng sa gru pơkă kơ tơlơi pơmin khin hơtai, pran jua tong ten hăng Ping gah, Lŏn ia laih anun Mơnuih ƀôn sang. Mơ̆ng kual lŏn ngă hơkrŭ khăp kơ lŏn ia biă mă, Đồng Nai hơmâo hrưn đĭ jing sa amăng hơdôm anih phun kơ bruă tuh tia pơkra ming, plơi prong hăng mut phung yom biă mă amăng dêh čar ta. Kơ bruă kiăng akŏ pơdong jing ƀôn prong gưl dêh čar wai lăng, pok jơlan phrâo pơđĭ kyar kơtang hloh, kiăng ngă djơ̆ anŏ kơdrưh phrâo, tơlơi thâo git gai wai lăng hăng bruă phrâo rơnuk anai laih anun bruă glăm ba gơgrong phun prong hloh ƀơi anăp mơnuih ƀôn sang, anăp nao tơhnal pơkă ba Đồng Nai mut phung hơdôm ƀôn prong hiam lăp dŏ hơdip mơda hiam klă, pơphun brơi bruă mă mơ̆ng kual ASIA hăng ƀơi rŏng lŏn tơnah.