Ƀơi mông mă bruă lu khua mua pơčrong sai lăi nao hơdră, pơkă hnơ̆ng kiăng čih pơkra 2 Hră pơtrun yom mơ̆ng Gơnong dlông anun lĕ Hră pơtrun kơ pơblih phrâo pơđĭ kyar lŏn ia kơnang kơ ia rơgơi tơlơi kơhnâo phrâo, pơblih pơčeh phrâo, pơblih yua mrô hăng Hră pơtrun kơ hơdră pơsir bruă mă yom hloh pioh pơtrut rơnoh pơđĭ kyar dua mrô, lir hơbit hăng bruă akŏ pơjing hơbô̆ bruă pơđĭ kyar rơnuk phrâo.

Anai lĕ tơlơi yom, prong hloh hăng kiăng ječ mơ̆n, prăp lui pok pơhai ngă tui pioh čih pơmut amăng Hră pơtrun jơnum ruah khua ping gah dêh čar tal 14 pơ anăp. Khua git gai ping gah ơi Tô Lâm lăng yom boh tơhnal kơsem min blung a mơ̆ng khul čih dăp jơlan hơdră hăng bruă yom Gơnong dlông hơmâo ngă djop laih, laih anun anăp nao hơdôm tơlơi kiăng ngă amăng bruă phrâo pơ anăp, čih pơkra 2 pok hră pơtrun anai. Khua git gai ping gah lăi lĕ, anai jing jơlan hơdră khom ngă tui, kiăng ngă pơrơđah hloh 2 tơhnal pơkă anăp nao 100 thun akŏ pơdong kơnuk kơna lŏn ia, akŏ pơdong sa boh lŏn ia Việt Nam rơnuk rơnua, rơngai mơai pô, mơnuih ƀôn sang ngă khua, pơdrong sah, hiam rô̆, thâo rơgơi, hyuk hyak; djop mơta tơlơi pơtrun kơ bruă pơđĭ kyar lêng čih pioh amăng tơlơi pơtrun anai soh.