Nao čơkă khua git gai ping gah ơi Tô Lâm hrŏm hăng grup khua mua dêh čar ta ƀơi tơdron rơdêh por, hơmâo Khua anom bruă jar kmar-khua apăn bruă ping gah Mă bruă dêh čar Triều Tiên, Kim Song Nam, Kơ-iăng khua ding jum pơtom hiăp dêh čar Triều Tiên, Im Chon In, Khua anih jưh pơ ala dêh čar Việt Nam ƀơi Triều Tiên, ơi Lê Bá Vinh hrŏm hăng lu khua mua, mơnuih apăn bruă amăng sang bruă anih jưh pơ ala Việt Nam ƀơi Triều Tiên.

Tal nao čuă jơmư mơ̆ng ơi Tô Lâm, Khua git gai ping gah dêh čar ta ƀuh rơđah, jơlan hơdră pơtom hiăp, rơngai hơjăn, ngă pô, gum hrŏm lu bơnah, lu mơta bruă laih anun mut phung jar kmar lu hăng mơak hloh, ngă tui hlom bom laih anun tŭ yua mơ̆ng Jơnum ruah khua ping gah dêh čar ta tal 13, Hră pơtrun 34 mơ̆ng Ding jum kơđi čar kơ hơdôm bruă mă pơprong, pok pơhai jơlan hơdră pơtom hiăp laih anun Hră klah čun mơ̆ng Ding jum kơđi čar kơ bruă mă, hơdră pơsir kơtang hloh pơđĭ kyar boh thâo ia rơgơi tơlơi pơhing, pơblih pơčeh phrâo, ba yua mrô gưl dêh čar, Hră pơtrun 59 mơ̆ng Ding jum kơđi čar kơ bruă mut phung hăng jar kmar amăng rơnuk phrâo.