Khua git gai ping gah ơi Tô Lâm lăng yom boh tơhnal mơ̆ dêh čar Mông Cổ dưi ngă laih amăng thun blan giăm anai. Kơ bruă rô nao rai Việt Nam hăng Mông Cổ, Khua git gai ping gah pơdah pran jua hok mơak ƀuh yak pơđĭ kyar klă hiam dua bơnah amăng 70 thun rơgao, yap mơ̆ng hrơi dua bơnah akŏ pơjing bruă pơtom hiăp; lăng yom bruă mă dua bơnah pơphun jơnum lok 19 Jơnum min pơlir hơbit Kơnuk kơna Việt Nam-Mông Cổ.

Bruă ngă anai, hơmâo boh yom phun amăng bruă pơtrut tui tơlơi thâo hluh hrŏm hăng tơlơi pôr hrŏm mơ̆ng khua mua kơ bruă akŏ pơdong pơtom hiăm hlom bom Việt Nam-Mông Cổ. Khua git gai ping gah ơi Tô Lâm rơkâo, kơnang kơ atur ngă giăng mah kơđi čar, pơgang rơnuk rơnua guai lŏn ia, bơwih ƀong huă-sĭ mơdrô, gru grua hiam, tuai čuă ngui, jĕ giăm mơnuih ƀôn sang; pơtrut ngă hrŏm tŭ yua hloh amăng djop bruă djơ̆ găl hăng tơlơi hơmâo anŏ kơtang mơ̆ng rim boh dêh čar.