Tlam lơ 23/1, ƀơi mông jơnum pơđut, ơi Trần Thanh Mẫn-ding kơna Ding jum kơđi čar, Khua git gai ping gah, anom bruă khua pơ ala mơnuih ƀôn sang dêh čar, Khua git gai pơ ala mơnuih ƀôn sang dêh čar hơmâo pôr pơthâo boh tơhnal jơnum lok sa, Khul apăn bruă ping gah dêh čar, amăng anun hơmâo boh tơhnal lăi pơthâo, pơpha bruă mă kơ khua gum bruă git gai ping gah dêh čar tal XIV.

Khul apăn bruă ping gah dêh čar tal XIV tŭ ư sa pran jua lăi pơthâo, jao bruă kơ ơi Trần Cẩm Tú, ding kơna Ding jum kơđi čar djơ̆ anăn glăi ngă khua gum bruă git gai ping gah dêh čar.

Tlam lơ 23/1, ƀơi mông jơnum pơđut, ơi Trần Thanh Mẫn, ding kơna Ding jum kơđi čar, Khua git gai ping gah anom bruă khua pơ ala mơnuih ƀôn sang dêh čar, Khua git gai pơ ala mơnuih ƀôn sang dêh čar lăi pơthâo boh tơhnal Jơnum lok sa Khul apăn bruă ping gah dêh čar, amăng anun hơmâo boh tơhnal lăi pơthâo, pơpha bruă mă kơ khua gum bruă git gai ping gah dêh čar tal XIV.

Khul apăn bruă ping gah dêh čar tal XIV tŭ ư soh, 200/200 čô ding kơna apăn bruă ping gah dêh čar sit nik hăng aka ƀu sit nik 100% tŭ ư lăi pơthâo, ơi Trần Cẩm Tú, ding kơna Ding jum kơđi čar, Khua gum bruă git gai ping gah dêh čar tal XII, Khua git gai ping gah  djop anom bruă ping gah ƀơi gơnong dlông ngă dơ̆ng khua Gum bruă git gai ping gah dêh čar tal XIV.

Tui hăng boh tơhnal lăi pơthâo anun mơ̆ng Khul apăn bruă ping gah dêh čar, Ding jum kơđi čar tal XIV hơmâo jao bruă kơ ơi Trần Cẩm Tú, ding kơna ding jum kơđi čar, ngă dơ̆ng khau gum bruă git gai ping gah dêh čar.

Ơi Trần Cẩm Tú tơkeng lơ 25/8/1961; plơi pla tơring Hà Tĩnh. Ñu ngă ding kơna Ding jum kơđi čar : Tal XIII, tal XIV; ding kơna khul git gai ping gah dêh čar: tal XII ( mơ̆ng blan 6/2018), tal XIII ( mơ̆ng blan 4/2021), tal XIV; ding kơna apăn bruă ping gah dêh čar: Tal X (aka ƀu sit nik), tal XI, XII, XIII, XIV; Khua gum bruă git gai ping gah tal XIII ( mơ̆ng lơ 25/10/2025), tal XIV; khua pơ ala mơnuih ƀôn sang dêh čar tal XV.

Ơi Trần Cẩm Tú tom ngă lu bruă mă, ngă kơ-iăng khua Jơnum min pel ĕp bruă ping gah dêh čar; khua git gai ping gah tơring čar Thái Bình; Kơ-iăng khua apăn bruă phun Jơnum min pel ĕp bruă ping gah dêh čar hăng Khua Jơnum min pel ĕp bruă ping gah dêh čar.