Ƀơi mông čơkă jum anun, ơi Trần Cẩm Tú lăi, dua boh dêh čar Việt Nam hăng Khač dêh čar jĕ giăm ieo gah, sô̆ ha mơguai anun hơmâo lu gru grua hiam djơ̆ hrŏm mơ̆ng đưm đă laih, dua boh dêh čar kiăo tui jơlan hơdră xã hôị chủ nghĩa yua ping gah Cộng sản git gai. Ping gah, lŏn ia hăng mơnuih ƀôn sang Việt Nam lăng yôm bruă ngă giăng mah hăng dêh čar Khač, sa tơlơi ruah mă, đing nao hlâo hloh ngă tui jơlan hơdră pơtom hiăp mơ̆ng Việt Nam.

Ơi Triệu Lạc Tế lăi pơtong, Ping gah, kơnuk kơna dêh čar Khač ăt lăng yôm Việt Nam jing dêh čar đing nao hlâo jơlan hơdră pơtom hiăp yua dêh čar jĕ giăm ieo gah ha mơguai, đăo kơnang tal rai čuă jơmư anai amra djru hrŏm yôm kơ bruă ngă rơđah tui tơlơi thâo hluh hrŏm plah wah dua bơnah khua git gai ping gah dêh čar pơmin.