Hlâo kơ anun, ăt ƀơi mông Jơnum lok sa Khul khua apăn bruă Ping gah dêh čar tal 14, ơi Trần Sỹ Thanh hơmâo ruah amăng Ding jum kơđi čar tal 14.

Khua Jơnum min Pel ĕp bruă mơ̆ng Ping gah ơi Trần Sỹ Thanh, tơkeng thun 1971, plơi ñu pơ tơring čar Nghệ An. Ñu hrăm Thạc sỹ Kinh tế, Sang hră gưl prong Đại học Tài chính - Kế toán; Hrăm bruă kơđi čar gưl prong.

Ñu jing Ding kơna Ping gah dêh čar tal 14 (aka ƀu sit nik), 12, 13, 14; ding kơna khul pơ ala mơnuih ƀôn sang dêh čar 2 tal 14 hăng 15.

Amăng thun blan mă bruă, ñu ngă: Khua Anom bruă Hơjai prăk Kơnuk kơna (Ding jum Prăk kak); Kơ-iăng khua phun Hơjai prăk Kơnuk kơna; Kơ-iăng khua mơnuih ƀôn sang tơring čar Dak Lăk; Kơ-iăng khua ping gah tơring čar Dak Lăk; Khua ping gah tơring čar Bắc Giang; Kơ-iăng khua Jơnum min pel ĕp bruă Ping gah; Khua ping gah tơring čar Lạng Sơn; Kơ-iăng khua Anom bruă Bơwih ƀong Kơnuk kơna, Khua Khul ding kơna Grup bơwih ƀong Ia jâo dêh čar; Kơ-iăng khua Anom bruă pơ ala mơnuih ƀôn sang dêh čar; Khua anom bruă jŭ yap prăk Kơnuk kơna.

Blan 7/2022, Ding jum Kơđi čar pơkiăo nao ơi Trần Sỹ Thanh ngă ding kơna Khul khua apăn bruă Ping gah, Khul gum bruă hăng ngă Kơ-iăng khua ping gah ƀon prong Hà Nội. Tơdơi kơ anun hơmâo Jơnum min pơ ala mơnuih ƀôn sang ƀôn prong Hà Nội ruah ngă Khua Jơnum min mơnuih ƀôn sang ƀôn prong Hà Nội.

Lơ 5/11/2025, ƀơi mông Jơnum lok 14, Khul khua apăn bruă Ping gah dêh čar tal 13, ơi Trần Sỹ Thanh hơmâo ruah ngă ding kơna Jơnum min Pel ĕp bruă Ping gah hăng ngă Khua Jơnum min Pel ĕp bruă Ping gah dêh čar tal 13.