Ƀơi mông jơnum, ơi Trần Thanh Mẫn, Khua git gai pơ ala mơnuih ƀôn sang dêh čar hơmâo jao miđai 65 thun ping gah kơ khua hơđăp git gai pơ ala mơnuih ƀôn sang dêh čar ơi Nguyễn Văn An. Pơhiăp ƀơi mông jơnum, ơi Trần Thanh Mẫn Khua git gai pơ ala mơnuih ƀôn sang dêh čar lăi,amăng bruă mă akŏ pơdong, pơđĭ kyar lŏn ia, ping gah hơmâo git gai bruă mă hơkrŭ Việt Nam găn rơgao tơlơi tơnap tap lông lăng,ba glăi boh tơhnal tŭ yua yôm; anom bruă khua pơ ala mơnuih ƀôn sang dêh čar Việt Nam hơdôm thun rơgao hơmâo ngă bruă lu tơlơi pơblih phrâo, pơčeh phrâo rim hrơi amăng bruă mă, jai hrơi tơlơi dưi git gai tŭ yua hloh, dưi hơmâo mơnuih ruah khua hăng mơnuih ƀôn sang amăng dêh čar bơni, lăng yôm.
Pơgôp hrŏm amăng boh tơhnal anun, hơmâo tơlơi tuh rơyuh pran jua, pơyơr brơi mơ̆ng djop gưl rơnuk khua mua pơ ala mơnuih ƀôn sang, mơnuih apăn bruă, mơnuih ping gah, anom bruă ping gah sang bruă khua pơ ala mơnuih ƀôn sang dêh čar, biă mă ñu tơlơi pơgôp hrŏm prong prin, yôm hloh mơ̆ng khua hơđăp git gai pơ ala mơnuih ƀôn sang ơi Nguyễn Văn An amăng bruă akŏ pơdong hăng pơgang dêh čar; pioh glăi lu tơlơi thâo yôm pơphăn, tơlơi hrăm hiam klă djru kơ anom bruă git gai pơ ala mơnuih ƀôn sang dêh čar tal tơdơi tŏ tui djă pioh hăng pơđĭ tui.
Viết bình luận