Amăng tal rai jơnum Khul khua mua pơlir hơbit anom bruă pơ ala mơnuih ƀôn sang djop dêh čar pơhiăp tơlơi Prang (APF) hăngjơnum bruă ngă hrŏm ƀing pơhiăp tơlơi Prang pơčrong sai bruă ngă hmua hơđong kơjăp, pơhlom djop mơnong ƀong huă hăng bong glăi anŏ sat pơblih ayuh hyiăng ngă, ƀơi ƀôn prong Cần Thơ, Khua git gai pơ ala mơnuih ƀôn sang dêh čar ơi Trần Thanh Mẫn, tŭ jum khua pơ ala mơnuih ƀôn sang dêh čar Congo, Vital Kamerhe.

Ƀơi mông tŭ jum, khua git gai pơ ala mơnuih ƀôn sang dêh čar lăi pơtong, Việt Nam lăng yom bruă rô nao rai giăng mah gru grua hiam mơak hăng dêh čar Congo, dua boh dêh čar akŏ pơjing bruă pơtom hiăp mơ̆ng lŏn ia anai phrâo pơklaih rơngai lơ 13/4/1961; lăng yom hơdôm boh tơhnal pơđĭ kyar bơwih ƀong huă, tơlơi gir run hơđong bruă kơđi čar ƀơi dêh čar Congo thun blan rơgao, djru hrŏm pơđĭ tui kơnuih hiam amăng jar kmar hăng amăng kual. Lăi rơđah, bruă ngă hrŏm sang bruă pơ ala mơnuih ƀôn sang lĕ sa plang pơtruh tơlơi pơhing kơ tơdruă, kiăng pơtrut ngă hrŏm dua bơnah hăng lu bơnah ƀơi rŏng lŏn tơnah, Khua git gai pơ ala mơnuih ƀôn sang dêh čar ơi Trần Thanh Mẫn čang rơmang, pơ anăp adih pơtrut anom bruă khua pơ ala mơnuih ƀôn sang dêh čar amăng anun, pơtum nao bruă pơčrong sai pơblih khul khua mua čuă jơmư nao rai, ăt kah hăng hơdôm sang bruă tơlơi thâo amăng ƀirô khua pơ ala mơnuih ƀôn sang dêh čar.