Ƀơi mông bơkơtuai, Khua git gai pơ ala mơnuih ƀôn sang dêh čar ta ơi Vương Đình Huệ đăo kơnang lĕ, gah yŭ kơ tơlơi git gai mơ̆ng Khua mir sir, Khua gơnong dlông pơ ala mơnuih ƀôn sang hăng khua gơnong yŭ pơ ala mơnuih ƀôn sang, lŏn ia Philippines amra jai hrơi pơđĭ kyar hing ang, pơdrong asah; tơlơi gơgrong hăng kơnuih jai hrơi hmư̆ hing amăng kual hăng jar kmar. Dua čô khua pơ ala lăng yôm bruă ngă pŭ ƀăn mơ̆ng dua boh anom bruă khua pơ ala tui lu hơdră, lu bơnah; lăi pơtong tơlơi gơgrong mơ̆ng bruă ngă hrom dua boh sang bruă khua pơ ala kơtưn ngă hrom lu bơnah, lu dêh čar.

Pơ anăp anai, dua čô khua mua tŭ ư ăt djă pioh bruă mă brơi grup khua mua čuă jơmư nao rai, biă mă ñu khua mua pơprong dua bơnah sang bruă čih pơkra tơlơi phiăn dêh čar; kơtưn hrăm nao rai tơlơi thâo thăi, găn rơgao kơplah wah Jơnum min mă bruă čih pơkra tơlơi phiăn hăng krăo lăng; djru nao rai hăng dong yua tơdruă amăng mông jơnum khua mua lu dêh car.