Đĭ pơhiăp amăng mông jơnum, Khua git gai pơ ala mơnuih ƀôn sang dêh čar ơi Vương Đình Huệ brơi thâo amăng jơnum tal anai, Jơnum min apăn bruă Khua pơ ala mơnuih ƀôn sang dêh čar pơgôp hiăp amăng črăn tơlơi phiăn, amăng anun hơmâo tơlơi pơgôp hiăp blung a hăng tơlơi phiăn plơi prong jưh jom (čih pơkra glăi).

Kơ bruă krăo lăng, Jơnum min apăn bruă Khua pơ ala mơnuih ƀôn sang dêh čar  pơgôp hiăp amăng hră lăi pơthâo boh tơhnal mơng grup krăo lăng bruă mă mơng Ƀirô Khua pơ ala mơnuih ƀôn sang dêh čar; sem lăng hră lăi pơthâo mơng hơdôm anom bruă amăng ngă tui hơdôm tơlơi pơtrun mơng Ƀirô Khua pơ ala mơnuih ƀôn sang dêh čar kơ krăo lăng bruă mă hăng tơlơi pơtrun mơng mông tơña hăng lăi glăi mơng akŏ rơwang mă bruă truh ră anai.