Jơnum ƀing khua mua pơ ala mơnuih ƀôn sang thun dŏ hlăk ai đơ đam rŏng lŏn tơnah tal 9 ƀơi Hà Nội, amra jơnum mơ̆ng lơ 14-18/9/2023 hăng akŏ ñu “Tơlơi glăm ba mơ̆ng ƀing hlăk ai amăng bruă pơtrut ngă tui hơdôm tơhnal pơkă pơđĭ kyar hơđong kjăp, kơnang kơ bruă ba yua ia rơgơi mrô hăng pơblih phrâo thâo pơčeh”. Truh ră anai, hơmâo 64 grup čih anăn rai jơnum, jăng jai hơmâo anăn 244 čô khua pơ ala. Anai lĕ hơdôm bruă mă pơtom hiăp hăng lu bơnah dêh čar mơ̆ anom bruă khua pơ ala mơnuih ƀôn sang Việt Nam pơphun amăng thun anai.

Ơi Vương Đình Huệ, Khua git gai pơ ala mơnuih ƀôn sang dêh čar ta rơkâo djop khul grup ngă hruă, anom bruă kơsem min, čih pioh tơlơi pơgôp hiăp kiăng ngă giong bruă či pơphun jơnum; ngă giong hră dăp hơdră akŏ klôn, tum teč djop bruă či ngă, mông jơnum pơčrong sai, jŭ yap glăi boh yôm phun, hơdră čih pơkra găl djơ̆; kiăng hơmâo hơdră ngă pơpă mơ̆n hă pioh pơsir hŭi hơmâo tơlơi hơgĕt aka ƀu thâo hlâo. Kơ khul čih pơkra hlâo boh yôm phun kơ mông jơnum, khom prăp lui tong ten, rơđah rơđong, hơbôt. Bruă mă pơhlôm, pơgang tơlơi rơnuk rơnua, hơđong, pơhlôm hơdjă mơnong ƀong huă kiăng ngă djơ̆ tơlơi pơkă.