Amăng mông jơnum, ơi Vương Đình Huệ pơpŭ hơ-ơč Bangladesh kơ hơdôm tơlơi giăm anai; sit niă ñu, GDP đĭ rơbêh 7% amăng thun prăk kak 2021-2022, Bangladesh jing dêh čar sĭ mơdrô pơ tač rơngiao prong tal 2 amăng rŏng lŏn tơnah kơ sum ao hăng jing dêh čar ba jơlan hlâo amăng bruă pơjing hơdôm boh sang măi hơdjă.

Khua git gai pơ ala mơnuih ƀôn sang dêh čar ăt pơpŭ  Bangladesh amra pơphun truh kih tal plĕ hră ruah khua pơ anăp, ngă tui truh kih “Jơlan hơdră anăp nao 2041”, ba Bangladesh jing dêh čar pơplih phrâo hăng lu mơnuih rơgơi thun 2041 ƀrô tal hơdor glăi 70 thun akŏ pơjing lŏn ia. Dua čô khua pơsit tong lăng yôm tơlơi rô nao rai giang mah Việt Nam-Bangladesh; hăng hơmâo pơčrông sai, tŭ ư sa, dua jơlan gah pơprong kiăng ba tơlơi rô nao rai ngă hrŏm dua bơnah jai hrơi hrưn đĭ kjăp ƀiă dong.

Tlam lơ 21/9, ƀơi sang hră pơtô bruă pơtom hiăp Bangladesh, ơi Vương Đình Huệ; Khua ding jum pơtom hiăp Bangladesh, khua anih jưh pơ ala dêh čar Việt Nam ƀơi Bangladesh Nguyễn Mạnh Cường hơmâo trơ̆i akhăn ƀơi anih pơdă prưng rup rap 50 thun tơlơi rô nao rai giang mah hăng ngă hrŏm Việt Nam-Bangladesh yua anom mă tơlơi pơhing Việt Nam pơphun.