Ƀơi mông jơnum anai, ơi Vương Đình Huệ Khua git gai pơ ala mơnuih ƀôn sang dêh čar pơtrun hiăp, hră lăi pơthâo khom tong ten pơblang rơđah anŏ djơ̆, bruă aka găl lơ̆m pok pơhai ngă tui 3 mơta hơdră mơ̆ng dêh čar pơtrun, laih dơ̆ng rơkâo, ĕp hơdră čih pơthâo kiăng tong ten hloh, djơ̆ hnong găl hăng bruă mă rim hrơi. Gah Ding jum Bruă hmua hăng pơđĭ kyar plơi pla, ơi Vương Đình Huệ pơtă pơtăn, khom lăi glăi hơdôm tơlơi pơhing hlăk truh mơ̆ mơnuih ƀôn sang đing nao kah hăng:

Rơnoh braih ba sĭ mơdrô pơ tač rơngiao; pơblang tong ten anŏ bơbeč djơ̆ kơ bruă lông ngă tui tơlơi pơtrun jao kơ djop tơring čar dưi pơsir pơblih đơ đam lŏn hmua tơjŭ pơdai gah yŭ kơ 20 hektar (ha), bruă pơdjơ̆ nao hyu ĕp mă kông ngăn amăng lŏn glai, bruă mă akan hơdang, hơdră pơsir hla kak kơñĭ jăm ƀuah mơ̆ng Jơnum min kual Mi kô̆ EC pơkă kơ bruă mă akan hơdang dêh čar ta....Anai yơh hơdôm tơlơi tơnap gun gan mơ̆ anom bruă ngă hmua hlăk kiăng pơsir laih anun dong ƀơi anăp tơlơi lông lăng phrâo.