Tal nao čuă anai, mơ̆ng ơi Vương Đình Huệ kiăng ngă tui jơlan hơdră pơtom hiăp rơngai hơjăn, ngă pô, lu mơta, lu bơnah giăng mah pŭ ƀăn pơtom hiăp tui Hră pơtrun jơnum ruah khua ping gah dêh čar tal XIII laih anun Hră pơtrun mơ̆ng Ding jum kơđi čar; pơtrut bruă ngă giăng mah pŭ ƀăn Việt Nam-Bangladesh, bruă ngă hrŏm dua bơnah sang bruă pơ ala mơnuih ƀôn sang dêh čar, lăi pơtong, lăng yôm bruă ngă giăng pŭ ƀăn gru grua hăng Bangladesh laih anun dêh čar Bulgaria ăt hnun mơ̆n.

Biă mă ñu hăng dêh čar Bangladesh, tal nao čuă jơmư anai, kiăng pơtong glăi tong ten tơlơi ƀuăn mơ̆ng anom bruă khua pơ ala mơnuih ƀôn sang dêh čar Việt Nam kiăng ngă giăng mah pŭ ƀăn mơak klă hăng dêh čar Bangladesh. Bơ dêh čar Bulgaria lĕ, tal nao čuă anai, kiăng kơtưn ngă kjăp hloh tơlơi rô nao rai gru grua mơak klă, ngă hrŏm lu mơta plah wah Việt Nam hăng Bulgaria lăi hrŏm; tơlơi ngă giăng mah dua bơnah anom bruă pơ ala mơnuih ƀôn sang dêh čar hnun mơ̆n.