VOV4.Jarai-Mơguah lơ 2/10, Khua git gai pơ ala mơnuih ƀôn sang dêh čar ơi Vương Đình Huệ hăng grup hyu mă bruă mơ̆ng Gơnong dlông nao ĕp lăng, bruă ngă tui Hră pơtrun mơ̆ng khua mua pơ ala mơnuih ƀôn sang dêh čar hơdôm kơčăo bruă tuh pơ alin čuk pơkra jơlan rơdêh đuăi hmar Bến Lức-Long Thành hăng tơdron rơdêh por Long Thành. Khua git gai pơ ala mơnuih ƀôn sang dêh čar lăi lĕ, Tơdron rơdêh por jar kmar Long Thành dưi lăng kah hăng kơčăo bruă prong biă mă, him lăng ngă giong hăng mă yua amăng thun 2025, dưi čang rơmang jing anih jưh, pơdŭ pơgiăng tuai đĭ rơdêh por phrâo hloh ƀơi kual Đông Nam Á.

Khua git gai pơ ala mơnuih ƀôn sang dêh čar Vương Đình Huệ ƀơk gơnam kơ hơdôm

sang anŏ mơnuih ƀôn sang đuăi dŏ plơi phrâo

Kiăng ngă tơhnal pơkă, Khua git gai pơ ala mơnuih ƀôn sang dêh čar ơi Vương Đình Huệ, rơkâo tơring čar Đồng Nai pơtum lu hloh, pơsir khut khăt anih aka mă glăi lŏn čuk pơdăo pơkra jơlan, jao kơ anom bruă man pơkra jơlan bơwih brơi kơ mơnuih ƀôn sang, đing nao kơ bruă pơtô hrăm bruă mă pioh kơ mơnuih ƀôn sang hơmâo tơlơi gêh găl bơwih ƀong huă mă bruă hơdip mơda khom đĭ hloh kơ anih dŏ hơđăp hlâo kơ kơnuk kơna pơđuăi nao dŏ pơ anih phrâo.

Nay Jek: Pơblang