Ƀơi mông bưp, ơi Vương Đình Huệ hơmâo lăi pơthâo hăng Khua jơnum min pơtom hiăp sang bruă khua pơ ala mơnuih ƀôn sang dêh čar Bangladesh kơ bruă akŏ pơjing khul khua mua pơ ala ngă giăng mah Việt Nam-Bangladesh; rơkâo Jơnum min pơtom hiăp anom bruă pơ ala mơnuih ƀôn sang dêh čar Việt Nam hăng Bangladesh ngă pô pơtruh nao rai yôm, kiăng pơtrut bruă ngă hrŏm djop tơhnal, plang mă bruă dua bơnah dêh čar, biă mă ñu pơgôp hrŏm ngă tui hơdôm hră pơkôl hăng hră djă pioh hơdor glăi bruă mă hơmâo kĭ mơ̆ng dua bơnah.

Khua git gai pơ ala mơnuih ƀôn sang dêh čar ta, čang rơmang pơ anăp adih hơmâo lu khua mua pơ ala mơ̆ng Jơnum min sang bruă pơ ala mơnuih ƀôn sang dêh čar Bangladesh, ƀing pơ ala jing đah kơmơi, ƀing hlăk ai rai pơ Việt Nam kiăng kơtưn jĕ giăm, rô nao rai, hrăm tơdruă tơlơi thâo thăi mă bruă, laih dơ̆ng pơjing pran kơtang kơ bruă ngă giăng mah dua bơnah.