Khua git gai pơ ala mơnuih ƀôn sang dêh čar ơi Vương Đình Huệ lăi, amăng jơlan hơdră pơtom hiăp mơ̆ng Việt Nam lăng yôm na nao tơlơi ngă giăng mah hăng Japan; čang rơmang dua bơnah kơtưn ngă hrŏm lu plang pơtruh tơlơi pơhing ping gah, kơnuk kơna, khua pơ ala mơnuih ƀôn sang, jĕ giăm rô nao rai hăng mơnuih ƀôn sang, ngă hrŏm gah anom bruă sĭ mơdrô, djop tơring čar. Dua čô khua lêng kơ lăi kiăng kơtưn brơi khua mua pơprong dua bơnah čuă jơmư nao rai, khul khua mua pơ ala mơnuih ƀôn sang dêh čar kiăng hrăm tơdruă tơlơi thâo thăi amăng bruă mă, amăng anun amăng bruă čih pơkra tơlơi phiăn, krăo lăng ngă tui hăng pơsit hơdôm bruă yôm kơ lŏn ia.

Dua bơnah lêng kơ lăi, Việt Nam hăng Japan lêng kơ gir run dong yua tơlơi kiăng, tơlơi pơmin ngă djă bong tơlơi rơnuk rơnua hơđong, amăng anun pơsir kơđi tơlơi rung răng amăng ia rơsĭ ngŏ hăng tơlơi rơnuk rơnua pơtom hiăp, djơ̆ găl hăng tơlơi phiăn jar kmar, amăng anun, tui Hră pơkôl mơ̆ng Sang gum hơbit djop dêh čar kơ tơlơi phiăn rô nao rai amăng ia rơsĭ thun 1982.