Ơi Vương Đình Huệ lăi, Việt Nam hăng Algieria lĕ 2 boh dêh čar gơyut mơ̆ng hlâo gơyâo mơ̆ng đưm laih. Việt Nam kiăo tui jơlan hơdră pơtom hiăp rơngai hơjăn, ngă pô, rơnuk rơnua, mơak gơyut gơyâo pŭ ƀăn hăng pơđĭ kyar hrŏm hơbit. Ƀơi mông tŭ jum, dua čô khua tŭ ư lăi, mah Việt Nam hăng Algieria ataih nao rai hai, samơ̆ hơmâo tơlơi jĕ giăm yôm phara biă mă. Pơ anăp anai, dua boh dêh čar pơtrut hloh bruă ngă hrŏm giăng mah bơwih ƀong huă, sĭ mơdrô.

Kơ-iăng khua pơ ala mơnuih ƀôn sang dêh čar Algieria lăi, dêh čar Algieria amra ngă pô pơtruh brơi, jing bah amăng pioh kơ Việt Nam mut nao pơ anih anom sĭ mơdrô kual ơi jŭ. Khua git gai pơ ala mơnuih ƀôn sang Việt Nam, ơi Vương Đình Huệ ăt lăi pơtong, Việt Nam amra ngă pô pơtruh nao rai, jing bah amăng pioh kơ dêh čar Algieria mut rai pơ anih anom sĭ mơdrô amăng kual ASEAN. Kơ-iăng khua pơ ala mơnuih ƀôn sang dêh čar Algieria, Monder Bouden lăng yôm bruă jơnum bơkơtuai “Kơtưn tơlơi tŭ yua mrô kơ ƀing hlăk ai”. Pok jơnum abih bang tal jơnum ƀing hlăk ai ngă pô pơ ala mơnuih ƀôn sang dêh čar rŏng lŏn tơnah tal 9, Grup khua mua pơ ala mơnuih ƀôn sang dêh čar Algieria hơmâo djru hrŏm lu biă mă kơ mông jơnum anai.