Ol kơdol amăng hrơi ngă lơphet hơdor kơ 64 čô tơhan sông kơtang djai pơsăn drơi lơ̆m pơgang ba bul ia rơsĭ Gạc Ma
Thứ bảy, 09:37, 20/01/2024
VOV/Siu H'Mai Pơblang
VOV/Siu H'Mai Pơblang
VOV4.Jarai - Amăng tal hyu čuă, bơni hơ-ơč Tê̆t Giáp Thìn 2024 ƀơi tơring glông bul ia rơsĭ Trường Sa, tơring čar Khánh Hòa, Grup mă bruă kual 4 Tơhan ia rơsĭ pơphun ngă lơphet hơdor kơ tơhan sông kơtang djai pơsăn drơi lơ̆m pơgang ba bul ia rơsĭ Gạc Ma.
Ƀơi mông ngă lơphet, Grup mă bruă pơpŭ, lăp hơdor kơ 64 čô tơhan djai pơsăn drơi lơ̆m pơgang ba bul pơtâo plao ia rơsĭ Lŏn ia ta. Amăng hrơi mông kơdrưh yôm, ol kơdol pran jua, lu mơnuih jruh ia mơta rơngôt. Tơdơi kơ tŭi ñang, grup mă bruă hơmâo phai bơnga, gơnam ngă yang, hrŏm hăng rup čim, apui kơđen bơnga amăng ia, hơdor kơ bơngăt bơnguai tơhan djai pơsăn drơi. Trung tá Bùi Văn Quê, Kơ-iăng khua anom bruă kơđi čar kual 4 tơhan ia rơsĭ pơsit, djŏp rơnuk khua mua, ling tơhan tŏ tui gru grua tơhan sông kơtang, pơgang ba bul pơtâo plao ia rơsĭ Việt Nam.
Viết bình luận