PC Dak Lak djru rơbêh kơ 500 klăk prăk gum mơnuih ƀôn sang kual ia ling dăo
Thứ tư, 10:17, 25/09/2024
VOV Tây Nguyên/Siu H' Prăk pơblang
VOV Tây Nguyên/Siu H' Prăk pơblang
VOV4.Jarai - Khua Sang bruă apui lơtrik Dak Lak ƀơi anăp jao mrô prăk 100 klăk prăk kơ Jơnum min djop djuai ania mơnuih mơnam dêh čar Việt Nam tơring čar Dak Lak pioh gum tơngan hrŏm djru mơnuih ƀôn sang hơdôm bôh tơring kual Kơdư dêh čar pơsir răm rai yua kơthel ia ling dăo ngă.
Hrŏm hăng anun, anăp nao iâo pơthưr mơ̆ng Jơnum min djop djuai ania mơnuih mơnam dêh čar Việt Nam, apui lơtrik Dak Lak hmâo pok phun rim mơnuih apăn bruă, mơnuih mă bruă djru ƀiă iă mă ñu 1 hrơi prăk blan hăng iâo pơhrui hmâo abih bang mrô prăk 387 klăk prăk.
Mrô prăk anai hmâo mơ-ĭt laih kơ Sang bruă apui lơtrik kual Tŏng Krah dêh čar pioh pơƀut hrŏm, ngă tui hơdôm bruă djru neh wa kual ia ling dăo ngă. Hlâo kơ anun, Apui lơtrik Dak Lak ăt hmâo mơ-ĭt mơn hră tơña bla hrŏm hăng mrô prăk 50 klăk prăk kơ Anom bruă apui lơtrik Lạng Sơn, djru anom ngă adơi ayong pơsir anih anom răm rai tơdơi kơ kơthel ngă./.
Viết bình luận