VOV4.Jarai - Pơlir hơbit mơnuih mă bruă hăng mă yua boh thâo phrâo, gir run djơ̆ hăng djop mơta, hmao tlôn tui tơlơi kiăng amăng mă yua apui lơtrik hăng bruă bơwih bơwang, kông ti apui lơtrik Dak Nông hơmâo pơjing rai pran đăo gơnang, hơdôm tơlơi hiam klă hăng mơnuih ƀon sang. Ngă tui gru grua mă bruă amăng anom bơwih ƀong sĭ mơdrô, ƀing apăn bruă amăng gơnong bruă Dak Nông lêng abih pran jua amăng bruă mă, lăng mơnuih ƀon sang lĕ akŏ phun amăng djop mơta bruă, pơjing rup rap mơnuih apăn bruă apui lơtrik jê̆ giăm, abih pran jua hăng mơnuih ƀon sang.

PC Dak Nông jao sang khăp pap brơi yă Đặng Mùi Quyền, să Đăk Mil, tơring glông Čư̆ Jut

Hrŏm hăng anun tuh pơ alin hơdôm rơtuh klai prăk kiăng pok pơhai hơdôma ring bruă dăng nao apui lơtrik pơ kual ataih, asuek, PC Dak Nông ăt ngă tui hơdôm jơlan hơdră djru mơnuih mơnam, pơgôp hrưn đĭ tơlơi hơdip kơ mơnuih ƀon sang. Rĭm thun, kông ti hơmâo ngă tui hơdôm hơdră djru man pơdong sang khăp pap; ƀơk gơnam brơi sang anŏ Kơnuk kơna čem rông ba, mơnuih ƀun rin amăng bơyan čơkă thun phrâo; jao prăk djru hrăm hră brơi ƀing čơđai ƀun rin; djru brơi prăk kak djru mơnong ƀong huă ƀơi hơdôm sang ia jrao amăng tơring čar Dak Nông … hăng abih tih rơnoh prăk giăm 500 klăk prăk.

VOV Tây Nguyên

Siu Đoan: Pơblang