Ƀơi gưl tơring čar, Anom bruă apui lơtrik Daklak hmâo gum hrom hơdôm khul gah Kông ang tơring čar, Jơnum min mơnuih ƀôn sang plơi prong Buôn Ma Thuột hăng sa dua bôh anom, pơhrăm pơgang apui ƀong hăng pơtlaih mơnuih, pơtlaih apui ƀong ƀơi Anom sĭ mơdrô Co.op mart Buôn Ma Thuột.

Hơdôm mông pơhrăm hmâo djru pơđĭ tui laih bruă pơphun git gai, pơdŏng hơdră mă yua, bruă gum hrom kơplah wah tơhan polih pơgang apui ƀong hăng hơdôm khul tơhan amăng bruă pơsir hơdôm anih apui ƀong prong, apui ƀong ngă tơnap ƀơi hơdôm anih anom phun amăng tơring čar Daklak. Ƀơi hơdôm bôh tơring glông, plơi prong, hơdôm bôh anom apui lơtrik Daklak ăt hmâo pơphun pơhrăm mơn bruă mă, pơhrăm gah bruă pơgang apui ƀong, ngă tui bôh thâo pơtlaih pô hăng pơtlaih mơnuih lom hmâo apui ƀong./.