VOV4.Jarai - Ƀơi anăp pơplih mơng ayuh hyiăng ƀu hơđong bơyan hơjan kơthel, Sang bruă apui lơtrik Daklak hmâo gơgrong hlâo hơdôm jơlan gah, prăp lui bŏng glăi hăng ayuh hyiăng ƀu klă ngă. Sang bruă hmâo pơdŏng laih 2 grŭp ba jơlan hlâo pơgang pơgăn ayuh hyiăng ƀu klă ngă hăng hyu ĕp mơnuih hmâo tơlơi truh hăng rơbêh kơ 40 čô mơnuih. Hrom hăng bruă pơsir hơdôm anô̆ răm rai amăng tơring čar Daklak, khul anai amra hyu gum djru hơdôm tơring čar pơkon dong lom kiăng ječ.

Hơdôm bôh anom apui lơtrik amăng tơring čar pel ĕp na nao ngă kơjăp hơdôm anih anom juăt hmâo tơlơi truh mơng hơdôm ring bruă gong hrĕ apui, pơpha rơđah rim grŭp, khul, mơnuih pel ĕp hăng gơgrong ba hăng rim glông jơlan apui, gŏng hrĕ prong dlông hăng hơdôm anih anom yôm phăn... Hrom hăng anun ngă tui rim tal jah agaih jum dar glông gŏng hrĕ apui, kơtưn gum hrom hăng hơdôm anih anom lu mơta hơdră lăi pơhing kiăng mơnuih ƀôn sang thâo gum hrom gơgrong hlâo pơhlôm klă apui lơtrik./.

VOV.TN čih

Siu H’ Prăk pơblang