Sang bruă apui lơtrik Daklak gum hrom hăng Tơhan polih pơgang pơgăn apui ƀong tơring čar Daklak phrâo pơphun mông pơhrăm pơgang pơgăn apui ƀong, pơtlaih mơnuih hmâo tơlơi truh. Tơlơi pơphô ƀơi kual Anih dưm gơnam mơng PC Daklak ƀơi plơi prong Buôn Ma Thuột hmâo apui ƀong, amra ngă răm rai prong hloh tơdah ƀu dưi wai lăng anih apui ƀong hmao tlôn.

Pơhrăm pơgang apui ƀong hăng pơtlaih mơnuih hmâo tơlơi truh ƀơi anih dưm gơnam mơng PC Daklak

Lom anun mơtăm, mơnuih mă bruă gah gơnong bruă hmâo ba đuăi mơnuih, pơgăn apui ƀong blung a hăng lăi pơhing kơ Tơhan polih pơgang pơgăn apui 114 djru gum. Mông pơhrăm djru prăp brơi kơ khul pơgang pơgăn apui ƀong mơng gơnong bruă apui lơtrik Daklak hơdôm bôh thâo juăt bruă pơgang pơgăn apui hăng pơtlaih mơnuih hmâo tơlơi truh, ăt kah hăng bruă mă yua ba glăi bôh tơhnal hơdôm mơta măi mok, rơdêh, gơnam yua pơdjai apui. Anai ăt lĕ bruă mă kiăng pơđĭ tui bôh thâo gum hrom, pơsir tơlơi truh kơplah wah khul mơnuih lom hmâo tơlơi truh pơtuh apui ƀong./.