VOV4.Jarai - Amăng hơdôm hrơi lơ 22 hăng lơ 23/9, Sang bruă apui lơtrik Daklak gum hrom hăng hơdôm bôh ƀirô anom bruă tơring glông, plơi prong pơphun ngă Lơphet jao 2 bôh sang dô̆ hơdor tơngiă kơ sang anô̆ ơi Nguyễn Anh Huấn (ƀơi thôn 8, să Ea Uy, tơring glông Krông Pač) hăng sang anô̆ yă H' Lam Niê (bơi ƀuôn Knul, să Ea Bông, tơring glông Krông Ana). Rim sang dô̆ leng kơ dưi hmâo gơnong bruă apui lơtrik djru 50 klăk prăk, hơdôm anih anom, tơring glông, plơi prong hăng sang anô̆ iâu pơhrui dong kiăng pơdŏng klă sang dô̆.

Ƀơk sang dô̆ hơdor tơngiă  kơ yă H’ Lam Niê

Tui anun hơdôm blan rơgao, Sang bruă apui lơtrik Daklak hmâo pơdŏng laih 5 bôh sang dô̆ hơdor tơngiă brơi hơdôm bôh sang anô̆ tơnap tap, gah jơlan hơdră ƀơk 70 bôh sang dô̆ yua kơ Sang bruă apui lơtrik kual Dơnung dêh čar djru kơ hơdôm bôh tơring čar kual Tŏng Krah Dăp Kơdư thun 2022.

Ƀơk sang dô̆ hơdor tơngia kơ ơi Nguyễn Anh Huấn

Dưi thâo hrom hăng bruă bơwih ƀong huă sĭ mơdrô, hơnong ñu rim thun, Gơnong bruă apui lơtrik Daklak pioh 1 klai prăk hyu gum djru mơnuih mơnam, djru mơnuih ƀun rin, brơi drah gum djru, tuĭ bơngač jơlan plơi pla..../.

Siu H’ Prăk: Pơblang