Phrâo ĕp ƀuh amăng drŏng čư̆ apui kơdir amăng đang bơnga lŏn drŏn đơ đam rŏng lŏn tơnah UNESCO Daknông
Thứ ba, 07:00, 29/11/2022
VOV Tây Nguyên/Siu H' Prăk pơblang
VOV Tây Nguyên/Siu H' Prăk pơblang
VOV4.Jarai – Rơgao kơ pel ĕp, hyu hơduăh lăng sa dua bôh amăng drŏng lŏn ƀơi Krông Nô, ƀing juăt bruă hmâo ƀuh dong sa dua črăn amăng drŏng phrâo ƀơi Amăng drŏng C7 – gah Đang bơnga lŏn drŏn đơ đam rŏng lŏn tơnah UNESCO Daknông.
Ƀing juăt bruă hmâo pel ĕp, hyu hơduah lăng dong năng ai ñu 175 m amăng drŏng. Hăng anô̆ phrâo ĕp ƀuh anai, Amăng drŏng C7 hmâo rơwang ataih rơbêh kơ 1.240m. Anai lĕ amăng drŏng čư̆ apui kơdir ataih hloh kual Đông Nam Á dưi čih djă pioh yap truh ră anai.
Amăng hơdôm hrơi tô̆ tui, grŭp mơnuih juăt bruă amra pơwot glăi Amăng drŏng C7 kiăng pơphun pơkă lăng kač rŭp hăng pơjing hla kak 3D hlung amăng drŏng. Anai amra jing gru djă pioh bôh thâo yôm phăn hăng gru grua đưm lŏn drŏn dưm kơnar gah jar kơmar mơng tơring čar Daknông, pơhrua nao nua yôm kơ hră pơ-ar pơsit glăi pơ̆ anăp anai./.
Viết bình luận