VOV4.Jarai - Mơguah lơ 29/9, Grŭp mă bruă Ping gah ƀôn prong Hồ Chí Minh tal XI rơwang bruă 2020-2025 pơphun Jơnum lok 17, kiăng klah čun 1 thun ngă tui Tơlơi pơtrun pơsit mrô 05 mơng Grŭp mă bruă Ping gah ƀôn prong kơ kơčăo bruă abih bang bruă pơgang pơgăn klin Covid-19 hăng hơkrŭ glăi bơwih ƀong ƀơi ƀôn prong Hồ Chí Minh.

Khua git gai Ping gah ƀôn prong Hồ Chí Minh Nguyễn Văn Nên pơhiăp amăng mông pok phun jơnum

Rơngiao kơ anun, Jơnum ăt pel ĕp pơsit mơn tơlơi bơwih ƀong – mơnuih mơnam ƀôn prong 9 blan rơgao hăng bruă mă phun 3 blan rơnuč thun hrom hăng sa dua bôh yôm phăn pơkon. Pok phun jơnum, Ding kơna Ding jum kơđi čar, Khua git gai Ping gah ƀôn prong Hồ Chí Minh Nguyễn Văn Nên hơdôm bôh tơhnal dưi ngă truh ră anai yôm phăn biă, pơhlôm abih bang mơn, mơ-ak biă hăng pran đăo gơnang đĭ tui. Khă hnun hai, ơi Nguyễn Văn Nên rơkâo, amăng rim bruă mă kiăng lăng glăi hăng ĕp tơbiă hơdôm bôh than klă pioh ngă tui, biă ñu bruă lăi pơthâo pok pơhai jơlan hơdră bruă mă mơng rim mơta bruă, rim plơi pla./.

VOV.VN čih

Siu H’ Prăk pơblang