Kơ-iăng Khua git gai Ping gah Kơnuk kơna Nguyễn Đức Phong lăi pơtong, tal pơplông lĕ bruă kơđi čar-tơlơi pơmĭn yôm phăn, sit nik hok mơ-ak hăng tơlơi truh kih mơng jơnum tal XIV mơng Ping gah, tal plĕ hră ruah Khua pơ ala mơnuih ƀôn sang dêh čar tal XVI hăng Khua mua pơ ala mơnuih ƀôn sang djop gưl rơwang thun 2026-2031. Hluai tui tal pơplông anai kiăng tŏ tui wai pơgang, ngă lar hyu hăng ngă tui sit nik hơdôm boh tơhnal amăng hră pơsit mơng Jơnum, pơgôp hơkrŭ pran mut hrŏm amăng Ping gah, pran bơtŭ ư mơng mơnuih mơnam, hơkrŭ pran hrưn đĭ pơđĭ kyar lŏn ia.

Anŏ pơplih phrâo thun anai lĕ pok prong boh tơhnal pơlir hăng bruă jao mơng Ping gah kơnuk kơna, đing nao hơdôm hơdră pơjing Ping gah ngă bruă tơpă, hơđong kjăp, ba jơlan hlâo amăng yua boh thâo phrâo, pơplih pơčeh phrâo hăng pơplih mrô, laih dong ba tơbiă hơdôm tơlơi pơčeh pơjing kơnuk kơna ngă bruă tơpă sit, ngă bruă, črâo ba kiăng pơđĭ kyar tañ hăng hơđong kjăp.