Ping gah ling tơhan tơring čar Dak Lak lăi pơthâo ten bruă prăp lui Ruah khua ping gah dêh čar tal XIV
Thứ năm, 10:50, 08/01/2026
VOV Tây Nguyên/Nay Jek pơblang
VOV Tây Nguyên/Nay Jek pơblang
VOV.Jarai-Lơ 07/01, Ping gah ling tơhan tơring čar Dak Lak jơnum lăi pơthâo boh tơhnal jơnum lok 15 khul apăn bruă ping gah dêh čar tal XIII laih anun bruă mă hyu pơtô pơblang, anăp nao bruă prăp lui Jơnum prong ruah khua ping gah dêh čar tal XIV rơwang bruă thun 2026-2031.
Ƀơi mông jơnum, ƀing khua mua lăi pơthâo tong ten boh yom phun, anŏ kiăng thâo rơđah djop tơlơi phrâ, lăi nao bruă yom phun mơ̆ng Gơnong dlông hơmâo pơčrong sai, sem lăng, pơsit ƀơi mông jơnum gơnong dlông lok 15.
Hăng ƀing ling tơhan blah ngă tơring čar Dak Lak, bruă pơtô brơi thâo tong ten boh yon phun jơnum lok 15 mơ̆ng ping gah, kiăng pơtong rơđah bruă mă, glăm ba, bruă ngă khom na nao re se. Djop gưl anom bruă amăng ping gah, khom pơtô brơi thâo ten tơlơi pơtrun mơ̆ng ping gah khom ngă tui khut khăt amăng ling tơhan; pơtum wai lăng sang bruă, puih kơđông kơjăp, kơtang gah bruă kơđi čar, ngă atur kiăng pơđĭ tui boh tŭ yua pơtum pran jua kơtang hăng tơlơi blah ngă.
Viết bình luận