Ping gah plơi prong Plei Ku tơring čar Gia Lai hmâo kiăo tui laih tơlơi pơmin črâo ba mơ̆ng Ping gah tơring čar Gia Lai, pơtrut bruă măi mok pơplih phrâo, pơplih phrâo rơnuk anai; ƀu pơdơi bơwih brơi pơđĭ kyar pơtô pơhrăm, bruă ia jrao, bôh thâo đưm – mơnuih mơnam, pơgang rơnuk rơnua plơi pla lŏn ia, pơdŏng glông bruă kơđi čar kơjăp kơtang abih bang.

Kơnang kơ anun, Plei Ku hmâo pơđĭ kyar hloh rơnoh pơkă, jing plơi prong dăp tal I gah tơring čar Gia Lai amăng thun 2020. Truh rơnuč thun 2023, Plei Ku dưi ngă djơ̆ rơnoh đĭ kyar 10,66%, pơhrui glăi hơnong ñu sa akô̆ mơnuih 110 klăk prăk; abih bang phrui ngăn drap Kơnuk kơna hmâo rơbêh kơ 1.700 klai prăk. Amăng mông ngă lơphet, Ping gah plơi prong Plei Ku hmâo ư-ang čơkă mă Miđai Mă bruă dăp tal Dua tal 2 yua kơ Khua mir sir dêh čar ta ƀơk./.