Tui Ping gah tơring čar Kon Tum, truh ră anai djop gưl Ping gah, anom bruă, gong gai amăng tơring čar hơmâo pơgiong hơdôm boh tơhnal hơmâo lăi nao amăng hơdôm tơlơi klah čun mơng Ding jum kơđi čar, Khul git gai Ping gah kơ bruă dưm dăp glăi anih anom mă bruă djop gưl; pơjing hơbô̆ bruă dưm dăp gong gai 2 gưl. Amăng mông mă bruă khua mua phun 40 boh să, phường phrâo, Khua git gai Ping gah tơring čar Kon Tum Dương Vân Trang pơsit tong, bruă pơplih, jao bruă brơi ƀing apăn bruă ngă bruă phun ƀơi hơdôm să, phường phrâo hơmâo Khul apăn bruă Ping gah tơring čar pơmĭn, ruah tong ten hluai tui hơdôm hơnong pơkă brơi lăp djơ̆ hloh.

Bruă ruah ƀing apăn bruă ngă khua mua phun ăt lĕ hơnong pơkă hrŏm kiăng pơđĭ kyar să, phường. Khua git gai Ping gah tơring čar Kon Tum Dương Văn Trang čang rơmang, ƀing khua mua phun 40 boh să, phường lơm đĭ ngă khua kiăng git gai, wai lăng klă kiăng să, phường pơđĭ kyar.