Tui lăi pơthâo, 9 blan thun 2023 dưi ngă 6,87% lu hloh amăng kual Dap kơdư. Samơ̆ sa, dua hơnongpơkă yôm phun dŏ aset, sit biă ñu: pơhrui ngăn drăp kơnuk kơna giăm 2.400 klai prăk (giăm 54,27% tui tơlơi pơkă); jao trun prăk tuh pơ alin man pơdong rơbêh 1.300 klai prăk, dưm dưm giăm 35% tui tơlơi pơkă. Jơnum hơmâo đing nao pơčrông sai, lăng glăi hơdôm boh than dưi ngă; lăi nao rơđah, pơsit tong tơlơi gơgrong mơng mơnuih apăn bruă Ping gah, mơnuih apăn akŏ hăng djop anom bruă, gong gai ƀon lan hăng hơdôm tơlơi gun găn.

Tui ơi Dương Văn Trang- Khua git gai Ping gah tơring čar Kon Tum: 3 blan dŏ glăi bruă jao prăk tuh pơ alin kiăng git gai khut khăt. Tơdah ƀu pơsir hĭ, blung hlâo ƀing apăn bruă Ping gah Jơnum min mơnuih ƀôn sang tơng čar khŏm glăm ba. Khua gơnong kơčăo bruă hăng tuh pơ alin lĕ anom bruă pơphô bruă, djru bruă, pơtrut pơsur hăng tuč rơnuč lĕ anom bruă tuh pơ alin gơgrong amăng bruă anai.