Ngă tui Akô̆ bruă “Pla sa klai phun kyâo mơtah rơwang 2021-2025” mơ̆ng Khua dêh čar, tơring čar Lâm Đồng čơkă pla 50 klăk ƀĕ phun kyâo djop mơta. Yap truh thun 2023, Lâm Đồng hmâo pla laih 26 klăk 300 rơbâo phun kyâo, dưm dưm hăng 52,5% kơčăo bruă. Kiăng pơhlôm pla giong mrô kyâo dô̆ glăi, amăng thun 2024, Lâm Đồng hmâo ba tơbiă pla rơbêh 13,6 klăk ƀĕ phun kyâo amăng đơ đam tơring čar.

Pơhiăp amăng mông ngă lơphet, ơi Nguyễn Thái Học, Khua git gai Ping gah jăng jai tơring čar Lâm Đồng pơtŏng sit, rim phun pla hrơi anai amra djru pơplih anih anom dô̆, đĭ mrô gôm glai klô hăng bŏng glăi hăng pơplih ayuh hyiăng, sa amăng hơdôm tơlơi lông prong mơ̆ ană mơnuih glăk bŏng glăi. Tơdơi kơ ngă lơphet pok phun, rơbêh kơ 1.000 čô mơnuih apăn bruă, mơnuih mă bruă čar, khul ling tơhan, mơnuih ƀôn sang hăng tuai čuă ngui hmâo gum hrŏm pla laih 2.000 ƀĕ phun kyâo hngo 3 pok hla hăng 750 ƀĕ phun kyâo dar mriah hơhur rôk tui jơlan čun čue Prenn Đà Lạt./.