Plơi prong Buôn Hồ (Dak Lak) lăi pơthâo dưm dăp anom bruă čar gưl să
Thứ sáu, 06:00, 01/11/2024
VOV Tây Nguyên/Siu H' Prăk pơblang
VOV Tây Nguyên/Siu H' Prăk pơblang
VOV4.Jarai - Mơguah lơ 31/10, plơi prong Buôn Hồ, tơring čar Dak Lak pơphun ngă Lơphet lăi pơthâo dưm dăp anom bruă čar gưl să tui Tơlơi pơtrun pơsit mơ̆ng Jơnum min apăn bruă Khua pơ ala mơnuih ƀôn sang dêh čar.
Kiăo tui anun, mơ̆ng lơ 1/11/2024, plơi prong Buôn Hồ, tơring čar Dak Lak pơmut hrŏm sa črăn lŏn, mơnuih ƀôn sang mơ̆ng să Ea Blang mut amăng să Ea Siên, Črăn dô̆ glăi mơ̆ng să Ea Blang mut hrŏm amăng să Ea Drông. Tui anun, tơdơi kơ pơmut hrŏm, plơi prong Buôn Hồ dô̆ 11 bôh anom mă bruă čar gưl să, hmâo 7 bôh phường hăng 4 bôh să.
Bruă pơmut hrŏm jing anom mă bruă čar phrâo ngă gal brơi kơ bruă wai lăng mơ̆ng gong gai să hăng bruă mă mơ̆ng khul hơdôm kual mơnuih ƀôn sang dô̆; pơhlôm ngă tui klă tơlơi pơkă hăng hơdôm tơhnal ba tơbiă kơ pơdŏng plơi pla phrâo amăng hơdôm bôh să; pơjing tơlơi djơ̆ hrom amăng mơnuih apăn bruă, mơnuih ƀôn sang hăng lăp djơ̆ hăng hơdră pơtrun mơ̆ng Ping gah, hơdră bruă tơlơi phiăn mơ̆ng Kơnuk kơna./.
Viết bình luận