3 rơwang bruă pơplih pơkra plơi prong dưi hmâo gong gai plơi prong Kon Tum, tơring čar Kon Tum đing nao pơplih pơkra plăng jơlan, đing hnoh pơđoh ia djah, phun kyâo pơtâo hăng hrĕ apui pơčrang rơđah jơlan nao rai hăng abih bang ataih hơdôm ară jơlan rơbêh kơ 6.500m. Tui hăng hơdră dăp, abih bang plăng 5 glông jơlan amăng plơi prong Kon Tum dưi tap hăng bôh pơtâo granite.

Jơlan đing hnoh dưi pơ ala nao hăng đing ƀê tông anăp mut amăng lăm. Hăng hơdôm ară jơlan hmâo phun kyâo ƀu djơ̆ djuai plơi prong dưi pơ ala nao hăng phun kyâo phrâo hăng ia djah pơđoh mơ̆ng sang anô̆ mơnuih ƀôn sang ăt dưi tuh pơplai phrâo mơn bruă pơhrui pơƀut. Tui kơčăo bruă, 3 rơwang bruă pơplih pơkra plơi prong Kon Tum, tơring čar Kon Tum amra dưi ngă giong amăng blan 10/2024, blan 3/2025 hăng 7/2026./.