Plơi prong Vinh lĕ anih akŏ phun amăng bơwih ƀong-kơđi čar ƀơi Nghệ An-anai lĕ plơi pla Khua mir sir Hồ Chí Minh kiăng khăp hăng lu khua mua ngă hơkrŭ pơkŏn. Găn rơgao 60 thun, sit biă ñu lĕ amăng 10 thun ngă tui tơlơi pơtrun mrô 26 mơng Ding jum kơđi čar kơ jơlan gah, bruă jao pơđĭ kyar tơring čar Nghệ An truh thun 2020, plơi prong Vinh hơmâo tơlơi yak nao pơđĭ kyar djop mơta, hăng lu tơlơi dưi yôm phăn.

Thun 2022, rơnoh pơđĭ kyar bơwih ƀong huă dưm dưm 9,02%; pơhrui rĭm akŏ mơnuih dưm dưm 120 klăk prăk, đĭ 2,37 wŏt pơhmu hăng đơ đam tơring čar. Lăng yôm hơdôm tơlơi dưi amăng plơi prong, ơi Vương Đình Huệ rơkâo, tơring čar kiăng ječ ameč ngă tui jơlan hơdră bruă mă hăng hơdôm akŏ bruă tong ten amăng dưm dăp man pơdong amăng tơring čar Nghệ An rơwang thun 2021-2030 phrâo tŭ yap; pơsit tong tơlơi anăp nao hăng hơdră bruă kiăng pơđĭ kyar plơi prong Vinh amăng tơlơi rô nao rai abih bang amăng tơring čar Nghệ An hăng amăng kual, ngă pơgiong bruă dưm dăp man pơdong glông pơđĭ kyar kơtuai tui jơlan phun Vinh-Cửa Lò, pơtrut pơđĭ kyar bơwih ƀong, pơlir hơbit djop kual, mut nao rai amăng plơi prong hăng hơdôm anih bơwih brơi tuai čuă ngui ter hang ia rơsĭ.