Pơhiăp ƀơi mông jơnum, Kơ-iăng khua anom bruă pơgang hưp ham kông ngăn Kơnuk kơna ơi Nguyễn Thái Học lăi rơđah, jing sa anom bruă pơphô brơi hơdră ngă bruă mơ̆ng Ping gah gah bruă hơmâo amăng lăm dêh čar, pơgang hưp ham ƀong kông ngăn, tơlơi soh sat hăng pơplih phrâo tơlơi phiăn, Anom bruă pơgang hưp ham ƀong kông ngăn dêh čar hơmâo Khul khua kơsem min boh thâo hơdôm anom bruă Ping gah, jao kơsem min boh thâo yôm phun, mơ̆ng anun prăp rơmet čih pơkra hră pơ-ar pơdah thâo ƀơi mông Jơnum ruah khua ping gah dêh čar tal 14.

Ƀơi mông jơnum ƀing khua, mơnuih kơhnăk gum bơkơtuai kiăng ngă rơđah bruă: Pơđĭ kyar tơlơi pơmin gêh gal djơ̆ lăp mơ̆ng Ping gah kơ bruă pơphô brơi mơ̆ng hơdôm anom bruă Ping gah gơnong dlông gah bruă čar, pơgang hưp ham ƀong kông ngăn, tơlơi soh sat hăng pơplih phrâo tơlơi phiăn; pơtŏng glăi boh than hơmâo ngă, hơdôm tơlơi aka ƀu djơ̆, phun tơhnal ñu hăng hơdôm tơlơi răng kơđiăng amăng bruă pơphô, pơčrâo brơi jơlan ngă bruă kơ hơdôm anom bruă ping gah. Mơ̆ng anun ba tơbiă hơdôm bruă phrâo kiăng pơƀut pơsir hĭ laih anun hơdôm bruă yôm phun pơplih phrâo, kơtưn đĭ, hơmâo tơlơi rơkâo đĭ, kiăng pơđĭ tui anŏ klă bruă pơphô brơi mơ̆ng hơdôm anom bruă Ping gah.