Tui hăng tơlơi git gai mơ̆ng Gơnong bruă Pơtô hăng Pơjuăt tơring čar Kon Tum, khua khua mua djop sang hră hăng abih bang ƀing nai pơtô wai lăng sa anih hrăm anăm pơjing ôh mông jơnum amĭ ama čơđai sang hră akŏ thun hrăm phrâo kơnong lăi pơthâo rơnoh prăk či pơhrui mơ̆ng amĭ ama čơđai khom duh.

Pơblih hĭ hơdră jơnum amĭ ama čơđai sang hră, djop sang hră tui hluai tơlơi gêh găl sit nik kiăng đing nao hơdôm boh yôm phun kah hăng : tơña, pơčrong sai, tŭ ư nao rai hơdră pơtô ană bă čơđai sang hră; bruă ngă tui djơ̆ tơlơi rơnuk rơnua jơlan glông; pơhlôm pơgăn tơlơi soh sat ma túy amăng sang hră, pơhlôm rơnuk rơnua tơlơi pơhing amăng plăng internet; khom djă pioh mrô čơđai hrăm hră huăi tơbiă hrăm hră. Ơi Đoàn Thành Nhân, Kơ-iăng Khua Gơnong bruă Pơtô hăng Pơjuăt tơring čar Kon Tum brơi thâo, mông jơnum amĭ ama čơđai sang hră khom thâo tong ten tơlơi pơhing či kiăng hăng bruă hrăm hră kơ ƀing ană amôn čơđai sang hră anun phun.