Pơhiăp ƀơi mông bưp, Khua git gai Ping gah, Khua mir sir dêh čar Khač Tập Cận Bình pơsit, hơdôm bruă pơbưp mơnuih ƀôn sang dua bơnah amra ngă kơjăp tui tơlơi rô nao rai, lăng nao pơ anăp klă hiam hloh ƀơi anăp rŏng lŏn tơnah pơplih lu mơta, gum pơgôp prong hloh kơ tơlơi đĭ kyar mơ̆ng ană mơnuih ta. Ƀing pơ ala kơ mơnuih rơgơi mơbruă hăng hlăk ai dua bơnah pơsit amra gir abih pran jua, gum ngă kiăo tui tơlơi pơmin mơ̆ng khua mua dua Ping gah, dua kơnuk kơna kơ akŏ pơdong “tơlơi rô nao rai giăng mah”, gum pơgôp sit nik pơbuă tui tơlơi rô nao rai klă hiam kơplah wah Việt Nam hăng Khač.