Jơnum sang čơ pơdă prưng gơnam hơmâo 380 jơgăn, hơmâo 180 anom bruă, anom bơwih ƀong, amăng anun hơmâo pô pơ ala mơ̆ng 30 boh tơring čar, ƀôn prong amăng dêh čar. Jơnum sang čơ pơƀuh gơnam OCOP, gơnam pơkra măi mok amăng plơi pla, hơdôm mơta gơnam hmư̆ hing mơ̆ng tơring čar, ƀôn prong hăng hơdôm mơta gơnam bơwih brơi bruă pơkra, mă yua. Jơnum sang čơ ăt jing anih pơƀuh lu bruă bơwih ƀong, gru grua - mơnuih mơnam, hơdôm tơlơi gêh gal, hơdră djru tuh pơ alin mơ̆ng hơdôm boh tơring čar amăng kual.

Mơ̆ng anun, pơtruh nao rai đĭ kyar bơwih ƀong huă - mơnuih mơnam kơplah wah hơdôm boh tơring amăng kual hăng kual pơkŏn; djru anom bơwih ƀong, pô tuh pơ alin amăng kual ăt kah hăng amăng dêh čar pơtruh nao rai, pơtrut sĭ mơdrô, tuh pơ alin, pơtrut sĭ mơdrô kơplah wah hơdôm anom bơwih ƀong amăng hăng gah rơngiao kual.