Anai lĕ hơdôm boh sang hơmâo kông ti apui lơtrik kual Tong krah (EVNCPC) djru brơi prăk kak man pơdong amăng thun 2023. Tui anun, rĭm boh sang hơmâo gơnong bruă apui lơtrik djru 60 klăk prăk, gong gai ƀon lan hrŏm hăng sang anŏ, neh met wa jum dar pơgôp hrơi mă bruă kiăng man pơdong brơi sang dŏ.

Hrŏm hăng bruă djru sang dŏ, kông ti apui lơtrik Dak Lak ăt jao brơi rĭm boh sang anŏ sa boh tivi hrŏm hăng sa, dua gơnam măi mok pioh yua amăng sang anŏ.

Hơmâo thâo hrŏm hăng Dak lak, amăng thun 2023, EVNCPC hơmâo djru man pơdong 70 boh sang khăp pap brơi hơdôm boh sang anŏ ƀun rin, sang anŏ tui hơdjă djru ƀơi 13 boh tơring čar kual Tong krah hăng Dap kơdư, hăng abih tih prăk mă yua lĕ rơbêh 4,2 klai prăk. Hơdôm boh sang phrâo djru brơi hơdôm boh sang anŏ hơđong tơlơi hơdip, gêh gal ƀiă dong , dưi hrưn đĭ găn rơgao tơnap tap.