Mơguah lơ 26/3, Khua dêh čar ơi Phạm Minh Chính hăng Khul khua pơprong mơ̆ng Việt Nam glăi truh laih pơ Hà Nội, pơđut hiam laih tal nao čuă sit nik dêh čar Nga hăng lu bruă mă, giăm 30 mơta bruă amăng 3 hrơi. Hăng mông jơnum pơčrông sai, bưp khua mua dêh čar Nga, dua bơnah tŭ ư prong kơ bruă nga dlăm tui tơlơi đăo kơnang kơđi čar, thâo hluh nao rai tơdruă kiăo tui tơlơi rô nao rai klă hiam sui thun. Tơlơi akŏ phun yom hloh mơ̆ng tal čuă jơmư anai lĕ bruă Khua dêh čar ơi Phạm Minh Chính hăng Khua dêh čar Mikhail Mishustin dŏ lăng bruă kĭ hră ngă hrŏm man pơdong sang măi apui lơtrik ƀơi Việt Nam.

Anai hơmâo lăng jing sa bruă yom biă mă, kơđŏm gru phrâo pơphun glăi jơlan hơdră pơkra apui ayuh dêh čar, pok rai jơlan ngă hrŏm phrâo gah apui ayuh.  Tal nao čuă hơmâo lu boh than sit nik, djru pơsit glăi tơlơi kơdrưh, pơđĭ tui anŏ yom bruă ngă hrŏm hlom bom amăng abih bang bruă plah wah Việt Nam hăng Nga amăng rơnuk phrâo./.