Ƀơi mông jơnum, ƀing nao jơnum hơmâo hmư̆ tơlơi pơtô glăi akŏ bruă pơdjơ̆ nao guai dêh čar hăng hơdôm tơlơi hlăk hơmâo ƀơi kual giăm guai dêh čar.kual ia rơsĭ ră anai; pơgang ayuh hyiăng anih dŏ jum dar lơ̆m duñ pơƀut djah djâo, pơgăn glŏm lui ča čot djah kơsu khăng hăng kơdŭng nilông pơrơngiao anih hơdip jum dar; hơdôm bruă mă pơđĭ tui tơlơi glăm ba, anŏ gơgrong mơ̆ng ƀing tha rơma rơnuk phrâo.

Ƀing nao jơnum hơmâo bơkơtuai nao rai, pơčrong sai, kah pơpha tơlơi thâo thăi, bruă tom ngă gah khul grup, hơdră hyu pơtô lăi laih anun pơđĭ tui tơlơi gơgrong ba mơ̆ng ƀing ding kơna mơnuih tha rơma djru pơtô lăi bruă pơgang guai dêh čar, ayuh hyiăng anih hơdip jum dar, lăi pơthâo hơbô̆ bruă ngă hiam, djơ̆, tơlơi thâo hluh găl mơ̆ng mơnuih tha rơma djru bruă pơgang ayuh hyiăng hăng guai dêh čar, bul pơtâo plao ia rơsĭ. Mơ̆ng anun, rim khul, mơnuih mut phung ƀing tha rơma amra jing ƀing ba jơlan hlâo, pơtô lăi, pơčrâo ba kah hăng “Thun lu kru rơđah”.