Pơdŏng Grŭp črâo ba ngă tui Akô̆ bruă hơdră pơtrun tuh pơplai pơkra jơlan rơdêh treng đuăi hmar Kơdư – Dơnung
Thứ năm, 06:00, 05/10/2023
VOV/Siu H' Prăk pơblang
VOV/Siu H' Prăk pơblang
VOV4.Jarai – Khua dêh čar ta, ơi Phạm Minh Chính phrâo kĭ Tơlơi pơsit pơdŏng Grŭp Črâo ba pơdŏng, ngă tui Akô̆ bruă pơtrun tuh pơplai pơkra jơlan rơdêh treng đuăi hmar Kơdư – Dơnung hăng hơdôm rơwang bruă jơlan rơdêh treng yôm phun lŏn ia ta.
Kơ-iăng Khua dêh čar ta, ơi Trần Hồng Hà ngă Khua Grŭp. Kơ-iăng Khua Grŭp lĕ Khua Ding jum jơlan nao rai dŭ pơgiăng dêh čar ta, ơi Nguyễn Văn Thắng.
Grŭp črâo ba djru Khua dêh čar črâo ba, pơtrut, git gai, gum hrŏm kơplah wah hơdôm ding jum, ƀirô dưm kơnar hăng ding jum, ƀirô gah Gong gai amăng pơsir hơdôm tơlơi yôm phăn bơdjơ̆ nao bruă ngă tui Akô̆ bruă pơtrun tuh pơplai pơkra jơlan rơdêh treng đuăi hmar Kơdư – Dơnung hăng hơdôm rơwang bruă jơlan rơdêh treng yôm phun lŏn ia. Grŭp črâo ba hmâo pơphun lăi pơthâo djru bruă mă tui hơdră pơkă mơ̆ng ƀing kơhnâo hăng hơdră pơkă gơgrong yua kơ Kơ-iăng Khua Ding jum jơlan nao rai dŭ pơgiăng Nguyễn Danh Huy ngă Khua Grŭp./.
Viết bình luận