Yap mơ̆ng thun 2013 truh ră anai, đơ đam dêh čar ta pơdong plơi, dăp brơi anih dŏ kơ mơnuih ƀôn sang truh 112 rơbâo bơbung sang. Abih bang anih pơdong plơi phrâo hơmâo jơlan glông nao rai pioh bơwih ƀong huă klă hloh anih dŏ hơđăp.

Hrom hăng anun, jơlan hơdră djru mơnuih ƀôn sang hơđong tơlơi hơdip mơda hơmâo pok pơhai sa amăng plĕ, tơlơi hơdip mơda, bruă mă, mơak pran jua ƀrư̆ hrơi pơđĭ tui, hơđong hăng klă hiam. Mah hnun, ră anai ăt dŏ rơbêh 16 rơbâo boh sang anŏ mơnuih ƀôn sang dŏ prah prang aka ƀu hơđong plơi pla, hyu dŏ raih daih amăng lu tơring čar lơ̆m kual Dap Kơdư. Kiăng ngă tui tŭ yua Hơdră pơdong plơi pla kơ mơnuih ƀôn sang tui Hră pơtrun mrô 590 mơ̆ng Khua dêh čar, tơhnal pơtrun truh thun 2025, akŏ pơdong brơi plơi pla hơđong kơ 64.300 boh sang anŏ, amăng anun 10.500 boh sang anŏ đuăi dŏ tă tăn, jơnum anai tal anai pơčrông sai tong ten, pơsir tơlơi anai.

Amăng anun, ngă tui jơlan hơdră kơnuk kơna pơtrun jao lŏn dŏ, lŏn ngă hmua, sang dŏ, tuh pơ alin čuk pơkra jơlan, pơdong sang bruă, djru pơtô hrăm bruă mă….