Sang hră anai hmâo rơwang prong 10 ektar, hmâo 115 bôh anih hrăm, 27 bôh anih kơsem min, pơhrăm bruă, anih dưm hơdrôm hră, kual bơkơjăp drơi jăn hăng hơdôm anom mă bruă. Hơdră pơkă pơtô pơhrăm thun blung a amăng rơwang 2022-2023 mơng sang hră hmâo 6 bruă pơtô pơhrăm; Wai lăng bơwih ƀong, Wai lăng sang jưh tuai, Wai lăng tuai hyu čuă ngui, Hơdră măi mok pơkra gơnam ƀong, Bơwih brơi kơ mơnuih ruă, Hơdră măi mok.

Pơhiăp amăng mông ngă lơphet, ơi Nguyễn Văn Phúc, Kơ-iăng Khua Ding jum pơtô pơhrăm lăi jing sa yak anăp phrâo mơng Sang hră Đại học Đông Á amăng gir run pơđĭ kyar bruă pơtô pơhrăm hăng pơsit jơlan gah pơtô pơhrăm, pơhrăm brơi dong mơnuih mă bruă thâo rơgơi, sit nik djru brơi pơdŏng, pơđĭ kyar bơwih ƀong – mơnuih mơnam mơng kual Tŏng Krah dêh čar hăng kual Dăp Kơdư lăi ha jăn hăng đơ đam dêh čar lăi hrom./.