Pơđut anih hrăm pioh kơ Kơ-iăng khua ping gah, khua jơnum min mơnuih ƀôn sang, jơnum min pơ ala mơnuih ƀôn sang tơring čar
Thứ tư, 10:40, 16/08/2023
VOV/Nay Jek pơblang
VOV/Nay Jek pơblang
VOV4.Jarai-Tlam lơ 15/8, ƀơi Hà Nội, Sang hră hrăm bruă kơđi čar djă anăn Hồ Chí Minh ngă hrŏm Anom pơphun bruă ping gah dêh čar jơnum pơđut anih pơtô, pơthâo tơlơi pơhing kơ Kơ-iăng khua git gai ping gah, khua jơnum min, jơnum min mơnuih ƀôn sang tơring čar, ƀôn prong anih tal 2.
Pơhiăp amăng mông pơđut anih hrăm, Khua sang hră kơđi čar djă anăn Hồ Chí Minh, ơi Nguyễn Xuân Thắng bơni kơ 44 čô mơnuih hrăm, ngă giong sa tal hrăm kơ tơlơi thâo phrâo, tŭ mă tơlơi pơhing yôm, djru pơđĭ tui boh tơhnal amăng bruă mă, git gai, pơčrâo bruă amăng tơring čar, ƀôn prong pô ngă khua hăng wai lăng pơ anăp adih.
Ơi Nguyễn Xuân Thắng, pơdah pran jua đăo kơnang hăng tơlơi thâo phrâo hrăm anai, mơ̆ng tal hrăm amra hơmâo tŭ mă, hăng tơlơi găn rơgao lu mơta bruă mă sit nik, ƀing hrăm amra hơmâo dơ̆ng pran jua kơtưn hloh, mă bruă abih pran jua, ƀu pơdơi ôh hrăm thim, pơđĭ tui tơlơi thâo kơhnâo kơhnăk amăng bruă mă, ngă kjăp tơlơi pơmin kơđi čar, hơdră mă bruă ba jơlan hlâo, ngă giong hiam klă bruă jao kơ pô ta hlăk dŏ ngă.
Viết bình luận