Tơdơi kơ 4 hrơi mă bruă ječ ameč, hơđong kjăp hăng pran jua “Gum pơgôp-Ngă pô-Tơpă sit-Pran kjăp-Pơplih kơtang-Pơđĭ  kyar” hăng pran jua gơgrong hloh, mơguah lơ 2/10, ƀơi Sang jơnum Ding jum ling tơhan, Jơnum khua mua Ping gah Ling tơhan tal XII, rơwang thun 2025-2030 hơmâo pơgiong djop jơlan hơdră ba tơbiă hăng jơnum pơđut hĭ.

Đĭ pơhiăp pơđut mông jơnum, Khua git gai Ping gah dêh čar ơi Tô Lâm, Khua git gai Ping gah Ling tơhan gơnong glông lăi pơtong, hơdôm tơlơi črâo trun, hơdră bruă mơ̆ Jơnum tŭ yap ngă tui lĕ jơlan gah yôm phun kiăng Ping gah Ling tơhan hăng djop khul ling tơhan gir run pơjing Ping gah Ling tơhan mă bruă tơpă sit, hơđong kjăp djop mơta, ba gru, pơjing ling tơhan mơnuih ƀôn sang ngă hơkrŭ kjăp bruă, thâo rơgơi, pơplih phrâo, hrưn đĭ pran kơtang amăng wai pơgang kjăp tơlơi ngă pô, tơlơi rơngai lŏn ia Việt Nam xã hội chủ nghĩa, pơgôp amăng pơjing lŏn ia rơnuk rơnua, pơdrong sah, prong kơtang, hiam klă, yâo mơ-ak, kjăp yak nao chủ nghĩa xã hội.